Ödəniş xidməti və əlavə xidmətlərin göstərilməsinə dair

Müqavilə №      

Bir tərəfdən Azərbaycan Respublikasının qanunvericiliyi, AR Mərkəzi Bankının 24.07.2024-cü il tarixli ÖT-002 nömrəli lisenziyası və öz Nizamnaməsi əsasında fəaliyyət göstərən "Global İnnovations" MMC (bundan sonra “Təchizatçı” və ya “Epoint” adlandırılacaq) və digər tərəfdən Azərbaycan Respublikasının qanunvericiliyi əsasında fəaliyyət göstərən       (bundan sonra “İstifadəçi”), birlikdə Tərəflər adlandırılacaqlar, aşağıdakılar barədə razılığa gələrək Ödəniş xidmətinin göstərilməsinə dair hazırki müqaviləni (bundan sonra “Müqavilə” adlandırılacaq) bağladılar:

1. Müqavilədə istifadə olunan əsas anlayışlar 

1. Analoq imza – İstifadəçi tərəfindən Platforma üzrə sorğuların Təchizatçıya təqdim olunması məqsədi ilə istifadə olunan, İstifadəçinin şəxsi imzasına bərabər hesab olunan və kağız daşıyıcısı üzərində təqdim edilən imza ilə eyni hüquqi qüvvəyə malik imza (şifrə, OTP kod, bir kliklə təsdiq, və s.);

2. Autentifikasiya – Təchizatçıya İstifadəçisinin kimliyini və ya ödəniş alətinin, o cümlədən İstifadəçinin fərdiləşdirilmiş təhlükəsizlik məlumatlarının istifadəsinin etibarlılığını yoxlamağa imkan verən prosedur. Bu Müqavilənin məqsədləri üçün Analoq imza və Elektron imzanın tətbiqi ilə icra olunmuş əməliyatlar nəzərdə tutulur;

3. Avtorizə etmə – ödəniş əməliyyatının həyata keçirilməsi üzrə ödəniş xidməti istifadəçisinin Təchizatçıya verdiyi razılıq;

4. Bloklaşdırma – Profil vasitəsilə hər-hansı əməliyyatların həyata keçirilməsinin dayandırılması;

5. Cihaz – Platformadan Sayt və ya Tətbiq üzərindən istifadə etməyə imkan verən və İstifadəçinin sahibliyində olan cihaz (kompyuter, planşet və s.) və ya smartfon; 

6. Davamlı daşıyıcı – məlumatın məqsədlərinə uyğun müddət ərzində saxlanılmasına imkan verən və saxlanılan məlumatın dəyişiklik olmadan əks etdirilməsi mümkün olan istənilən vasitə;

7. Ekvayrinq – İstifadəçi ilə müqavilə bağlayaraq ödəniş alətləri ilə aparılan və vəsaitlərin Vəsait alanın xeyrinə köçürülməsi ilə nəticələnən əməliyyatlar üzrə məlumatların qəbulu və emalı üzrə Təchizatçı tərəfindən göstərilən xidmət;

8. Elektron imza - Müqavilənin, ona əlavə və dəyişikliklərin, həmçinin sənədlərin imzalanması üçün istifadə olunan, gücləndirilmiş elektron imza olmaqla İstifadəçinin nəzarəti altında olan elektron imza vasitələri ilə yaradılan və yalnız İstifadəçiyə və ya onun səlahiyyətli şəxsinə məxsus olmaqla onu identikləşdirən, əlaqəli olduğu məlumat bildirişinin bütövlüyünü, dəyişməzliyini, təhrif olunmadığını və saxtalaşdırılmadığını müəyyən etməyə imkan verən elektron imza;

9. Əlavə xidmətlər – lisenziya tələb etməyən, Təchizatçı tərəfindən İstifadəçiyə qanunvericilik tələbləri gözlənilməklə təqdim olunan, ödəniş xidmətləri ilə bağlı məsləhət xidmətləri, habelə proqram təminatlarının hazırlanması xidməti;

10. Əməliyyat günü –Təchizatçının ödəniş sərəncamlarının qəbulu və ödəniş əməliyyatlarının aparılması üçün müəyyən etdiyi vaxt. Bu Müqavilənin məqsədləri üçün real vaxt rejimi; 

11. ƏL/TMM - “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Qanun, onun tələblərindən irəli gələrək, benefisiar mülkiyyətçi, eyniləşdirmə, müştəri uyğunluğu tədbirləri, şübhəli əməliyyat, şübhəli fəaliyyət və bu kimi tələblərin tətbiq olunduğu, həmçinin bu Qanun, AR Mərkəzi Bankı və AR Maliyyə Monitorinqi Xidməti (MMX) tərəfindən müəyyən olunan qaydalar, tələblər və onların pozulması halı və ya pozulmasına əsaslı səbəblərin olduğu hallar;

12. Gücləndirilmiş müştəri autentifikasiyası – autentifikasiya məlumatlarının məxfiliyini qorumaq üçün hazırlanmış və birinin pozulması ilə digərlərinin etibarlılığını istisna etməyən, yalnız İstifadəçinin bildiyi, İstifadəçiyə məxsus olan və İstifadəçinin sahib olduğu elementlərdən iki və ya daha çoxunun istifadəsinə əsaslanan autentifikasiya;

13. Xüsusi hesab – İstifadəçiyə təqdim edilən ekvayrinq xidməti üzrə aparılan ödəniş əməliyyatları əsasında daxil olan pul vəsaitlərinin toplanması, köçürülməsi və ödənilməsi üçün Azərbaycan Respublikasında fəaliyyət göstərən banklarda bu məqsədlə açılmış Təchizatçının ayrıca hesabı;

14. İstifadəçi profili (və ya Profil) – Platformadan qeydiyyatdan keçməklə İstifadəçinin platformanın funksionallığından yararlanmasına imklan verən şəxsi səhifəsi;

15. Ödəniş aləti – İstifadəçi tərəfindən ödəniş sərəncamının verilməsi məqsədilə istifadə olunan və Təchizatçı ilə razılaşdırılmış hər hansı bir fərdiləşdirilmiş alət və (və ya) prosedurlar toplusu;

16. Ödəniş əməliyyatı – Ödəyici və Vəsait alan arasında öhdəliyin mövcud olmasından asılı olmayaraq, onlardan hər hansı birinin təşəbbüsü ilə vəsaitin mədaxil edilməsi, köçürülməsi və ya məxaric edilməsi;

17. Ödəniş sərəncamı ödəniş əməliyyatının icrası üçün İstifadəçi tərəfindən Təchizatçıya Platforma vasitəsilə verilən tapşırıq; 

18. Ödəniş xidməti – Ödəniş xidməti təchizatçısı tərəfindən təqdim olunan ödəniş əməliyyatının Ekvayrinqi nəzərdə tutulur. Xüsusilə qeyd olunmadığı halda Ödəniş xidməti özündə Əlavə xidmətləri də ehtiva edir;  

19. İstifadəçi – Platformada qeydiyyatdan keçərək, müştəri uyğunluğu tədbirlərini keçmiş və bu Müqaviləni təsdiq edərək ödəniş xidmətlərindən istifadə edən Azərbaycan Respublikasının qanunvericiliyinə uyğun olaraq fəaliyyət göstərən hüquqi şəxs və ya fərdi sahibkar; 

20. Təchizatçı (və ya Epoint) – Ödəniş xidməti istifadəçisinə ödəniş xidmətlərini göstərən şəxs. Bu Müqavilənin məqsədləri üçün AR Mərkəzi Bankının 24.07.2024-cü il tarixli ÖT-002 nömrəli lisenziyası və öz Nizamnaməsi əsasında fəaliyyət göstərən,  hüquqi ünvanı: AZ1025, Bakı şəhəri, Xətai rayonu, Afiyəddin Cəlilov, ev 5, m.8, VÖEN: 2002891201 olan "Global İnnovations" MMC; 

21. Ödəniş hesabı – ödəniş əməliyyatlarının aparılması üçün ödəniş xidməti istifadəçisinə bank, BOKT və ya elektron pul təşkilatında açılan hesab;

22. Ödəniş kartı (Kart) – nağdsız ödənişlərin aparılması və nağd pul vəsaitinin əldə edilməsi üçün istifadə edilən fiziki və ya virtual ödəniş aləti;

23. Ödəyici – Vəsait alanın xeyrinə Ekvayrinq xidmətindən istifadə edən şəxs;

24. OTP (və ya OTP təsdiq) – İstifadəçinin Platformadan istifadəsi zamanı təqdim etdiyi mobil nömrəyə müvafiq xidmətlərin göstərilməsi və ya razılıqların verilməsi məqsədilə göndərilən birdəfəlik şifrələr; 

25. Platforma – Təchizatçının mülkiyyətində olan, onun tərəfindən yaradılmış, həm Sayt, həm də Tətbiq vasitəsilə istifadəsi mümkün olmaqla, İstifadəçiyə qeydiyyatdan keçərək bu Müqaviləni imzaladıqdan sonra Ödəniş xidməti və Əlavə xidmətlərdən istifadə etmək və Virtual hesab üzrə əməliyyatların real vaxt rejimində həyata keçirilməsinə imkanını verən platforma;

26. Sayt - https://epoint.az/ internet səhifəsi; 

27. Tətbiq - Təchizatçısı tərəfindən Platformadan təmin edilən “epoint” mobil tətbiqi; 

28. Vəsait Alan – ödəniş əməliyyatı üzrə vəsaiti alması nəzərdə tutulan şəxs. Bu Müqavilənin məqsədləri üçün Vəsait alan həm İstifadəçi, həm də sonuncu ilə arasında öhdəliyin mövcud olduğu və xeyrinə vəsait şəxs köçürülən üçüncü şəxs ola bilər. Ödənişin üçüncü şəxsin xeyrinə həyata keçirildiyi hallarda əməliyyatın iqtisadi mahiyyəti əsaslandırılmalı, habelə iki vergiödəyici arasında vəsaitin köçürülməsi müvafiq müqavilə və ya hüquqi əsas mövcud olduqda həyata keçirilməlidir. Bu halda əməliyyatın və Vəsait alanla münasibətlərdə qanunvericiliyə uyğunluğunun təmin olunması İstifadəçinin üzərinə düşür;

29. Virtual hesab – İstifadəçinin Platformada mövcud olan və Ödəniş xidməti və Əlavə xidmətlərin göstərilməsindən irəli gələrək, Təchizatçının Xüsusi hesabında toplanan və İstifadəçiyə məxsus və ya onun sərəncamında olan pul vəsaitlərin virtual əksi.

2. Predmet və bəyanatlar

1. Bu Müqaviləyə əsasən Təchizatçı Ödəniş xidməti və Əlavə xidmətləri təqdim edir, İstifadəçi isə bu xidmətlər üzrə müəyyən olunmuş xidmət haqqını ödəyir. Ödəniş xidmətləri ölkə daxilində həyata keçirilir.

2. Təchizatçı təsdiq edir ki, AR qanunvericiliyi ilə tələb olunan qaydada təsis olunub və ödəniş xidmətlərinin göstərilməsi üçün müvafiq lisenziyası vardır.

3. Tərəflər təsdiq və bəyan edir ki, bu Müqaviləni imzalayan şəxslər bunun üçün səlahiyyətlərə malik olmaqla yanaşı, tam mülki hüquq fəaliyyət qabiliyyətlidirlər.

4. İstifadəçi təsdiq və bəyan edir ki, onun sahibkarlıq və ya başqa fəaliyyətlə məşğul olmaq hüququ qanunla müəyyənləşdirilmiş qaydada məhdudlaşdırılmamışdır. 

5. İstifadəçi təsdiq edir ki, müqavilə bağlanmazdan əvvəl Təchizatçı, ödəniş xidmətindən istifadə, xidmət haqları, kommunikasiya və təhlükəsizlik tədbirləri ilə bağlı məlumatlarla Sayt vasitəsilə tanış olub.

6. İstifadəçi təsdiq edir ki, Təchizatçı tərəfindən təqdim edilən Ödəniş xidmətindən istifadə etməyə başlayır və bu məqsədlə Müqaviləni diqqətlə oxuyub şərtləri ilə tanış olub. 

7. Platforma, o cümlədən onun proqram təminatı, interfeysi, dizaynı və digər komponentləri üzrə bütün mülkiyyət və əqli mülkiyyət hüquqları yalnız Təchizatçıya məxsusdur. İstifadəçi Tətbiqi heç bir şəkildə dəyişdirmək, surətini çıxarmaq, dekompilyasiya etmək, tərsinə mühəndislik aparmaq, yaymaq, üçüncü şəxslərə ötürmək və ya onun fəaliyyətinə hər-hansı formada müdaxilə etmək hüququna malik deyil. İstifadəçi Platformada tətbiq olunan hər hansı təhlükəsizlik tədbirlərini, autentifikasiya sistemlərini və ya giriş məhdudiyyətlərini aşa və ya bu məqsədlə hər-hansı hərəkət edə, hücumlar təşkil edə bilməz və bu cür qanunazidd hərəkətlərin hüquqi nəticəsinə görə məsuldur. Platformadan yalnız bu Müqavilədə müəyyən edilmiş məqsədlər çərçivəsində istifadə oluna bilər. 

8. İstifadəçi qəbul edir ki, Ödəniş xidmətinin Təchizatçı tərəfindən təqdim olunması üçün bu Müqavilədən başqa İstifadəçi həmçinin Platformada əks olunan şərtləri (müddətləri, komissiyaları və s.) nəzərə alır və həmin şərtlər Müqavilənin ayrılmaz hissəsini təşkil edir. 

3. Platformada qeydiyyat və ondan istifadə qaydası

1. İstifadəçi ilkin olaraq Platformada İstifadəçi profilini qeydiyyatdan keçirir. Qeydiyyat nəticəsində İstifadəçi Platforma ilə tanış olur. Bundan sonra Təchizatçı ilə işgüzar münasibətlər yaratmaq istədikdə qeydiyyatı tamamlamaq üçün zəruri olan sənədləri təqdim edərək ƏL/TMM yoxlamasını keçdikdən və Müqaviləni imzaladıqdan sonra (texniki inteqrasiya şərtləri nəzərə alınmaqla) Ödəniş xidmətindən istifadə etməyə başlayır.

2. İstifadəçiyə, qanunvericilik və Təchizatçı tərəfindən müəyyən olunan şərtlər və məhdudiyyətlər daxilində Platformadan istifadə üçün hüquq verilir.

3. İstifadəçi Platformadan istifadə edərkən orada qeyd olunan təlimatlara, o cümlədən təhlükəsizlik tələblərinə riayət edir.

4. Platformada İstifadəçi profilinin qeydiyyatı zamanı və sonradan istənilən vaxtda Platformadan istifadə zamanı İstifadəçinin aşağıdakı hərəkətləri etməsi yolverilməzdir:

1. Başqa əmtəə nişanını və ya hüquqi şəxsin fəaliyyətini təqlid etmək;

2. Səhv, saxta, yalan və ya natamam məlumatlar daxil etmək;

3. Təchizatçının Platforma üzrə təqdim etdiyi texniki inteqrasiya ilə bağlı məlumatların üçüncü şəxslərlə paylaşılması və ya eyni inteqrasiya məlumatlarından birdən çox vergi ödəyicisinin istifadə etməsi qadağandır;

4. Biznes səhifədə Üçüncü şəxslərin hüquqlarını pozan məlumat yerləşdirmək;

5. Reklam haqqında qanunvericiliyin tələblərini pozmaq;

6. Proqramın işinə hər-hansı formada təsir edəcək virus yaymaq, Platformadakı hər hansı bir texnoloji həllin düzgün işləməsinə mane olan və ya Platformaya hər hansı digər şəxs tərəfindən istifadəsi və ya müdaxiləsinə birbaşa və ya dolayı şərait yaradan hərəkətlər etmək;

7. Platformanın və Ödəniş xidmətinin təhlükəsizliyini təmin etmək üçün Təchizatçının tətbiq etdiyi hər-hansı təhlükəsizlik tədbirini dəf etmək, hər hansı bir sistemə, məlumata, şifrəyə və ya digər Platforma, İstifadəçi məlumatları və ya Xidmətlərə icazəsiz giriş əldə etmək üçün cəhd göstərmək, hər hansı məlumatı əldə etmək üçün revers mühəndis və ya digər yolla Xidmətlərin hər hansı bir hissəsini ayırmaq, yaxud hər hansı bir proqramdan istifadə etməklə Platformanın hər hansı bir hissəsinə icazəsiz giriş əldə etmək;

8. Qüvvədə olan qanunvericilik və Təchizatçı tərəfindən müəyyən edilmiş ƏL/TMM tələblərini pozmaq;

9. Platfroma ilə işin təşkili və ödəniş xidmətinin göstərilməsi üzrə məlumat mübadiləsi zamanı təhlükəsizlik tələblərinə cavab verməyən məlumat(lar) göndərmək;

10. Özünə aid kod, şifrə, parol və sair məxfi məlumatları üçüncü şəxslərə açıqlamaq, onları açıq şəraitdə saxlamaq, yaymaq, təhlükəsizliyini təmin etməmək;

11. Cihazdan kənar şəxslərin istifadəsinə şərait yaratmaq, ictimai (qorunmamış) internet resurslarına qoşulmaq.

5. Müqavilənin 3.4. bəndində qeyd olunan hallar baş verərsə, pozuntunun mahiyyətindən asılı olaraq, Epoint İstifadəçinin Profilə girişini məhdudlaşdıra, hesabını blokaya, və ya ləğv edə, habelə Ödəniş xidmətinin və ya işgüzar münasibətlərə xitam edə bilər.

6. Təchizatçı Ödəyici və ya Karta dair hər-hansı məlumat toplamır və bununla bağlı İstifadəçinin yarana biləcək hər hansı bir məlumat itkisinə görə məsuliyyət daşımır.

7. Təchizatçı, İstifadəçini qabaqcadan məlumatlandırmaq şərti ilə Platformada dövri olaraq texniki yeniləmələr, və ya təhlükəsizlik səviyyəsinin artırılması məqsədilə təkmilləşdirmə işləri apara bilər. Bununla bağlı Platformanın fəaliyyətinin müvəqqəti olaraq dayandırılması Təchizatçı tərəfindən öhdəliklərinin icra olunmaması hesab olunmur. Bu cür yeniləmələr baş verdikdən sonra İstifadəçi Platformadan istifadəni davam etdirməklə yeniliklərlə razı olduğunu bildirir. Əks halda, İstifadəçi Profil üzərindən və ya Təchizatçı ilə əlaqə saxlayaraq Müqavilənin ləğv olunması üçün sorğu təqdim edə bilər.

8. İstifadəçiyə Platformadan şəxsən və ya Profilin İdarəetmə bölümündən digər səlahiyyətli şəxslərə verdiyi rollar daxilində əməliyyatlar icra etmək səlahiyyəti verilə bilər. İstifadəçi, rollar verdiyi digər şəxslər Platformadan istifadə zamanı Müqavilənin 3.4. bəndində qeyd olunan məhdudiyyətlərə riayət olunmasını təmin edir.

9. Qüvvədə olan qanunvericiliklə aydın şəkildə yol verilən hallar istisna olmaqla, İstifadəçi: (1) Platformanı modifikasiya etməyəcəyinə, uyğunlaşdırmayacağına, təkmilləşdirməyəcəyinə, dəyişdirməyəcəyinizə, tərcümə etməyəcəyinizə və ya onun əsasında törəmə məhsul yaratmayacağınıza; (2) Platforma və ya onun istənilən tərkib hissəsini və ya elementini Platforma ilə nəzərdə tutulmayan digər tətbiq və ya proqram təminatı, məlumat bazası və ya xidmətlərlə birgə istifadə etməyəcəyinə və ya birləşdirməyəcəyinə; (3) Platformanı istənilən üçüncü tərəfə öz adından istifadə etmək məqsədilə təqdim etməyəcəyinə, məlumatlarını paylamayacağına, satmayacağına və ya digər şəkildə ötürməyəcəyinə; (4) Platformadan xidmət bürosu kimi istifadə etməyəcəyinə, yaxud Platformanı hər hansı bir üçüncü tərəfə istifadə və ya icarəyə verməyəcəyinə; (5) Platformanın texnologiyasını açmayacağına, mənbə kodunu araşdırmağa  çalışmayacağına, təhlil etməyəcəyinə və ya digər şəkildə Platformanın mənbə kodunun və ya strukturunun əldə olunmasına, yaxud Platformanın şifrəsinin açılmasına cəhd göstərməyəcəyinə; (6) Platformanın işinə istənilən şəkildə müdaxilə etməyəcəyinə; (7) Platformaya girişi tənzimləyən və ya nəzarət edən hissədə istənilən elektron müdafiə tədbirlərindən boyun qaçırmayacağına və ya boyun qaçırmağa cəhd etməyəcəyinə; (8) bilavasitə Təchizatçı tərəfindən öncədən verilmiş yazılı razılıq olmadan Platformanın aşkar edilməsi, indeksləşdirilməsi, axtarılması və məlumat toplanılması, yaxud istənilən şəkildə araşdırılması üçün və yaxud Platformanın naviqasiya strukturunun və ya təqdimatının təkrar yaradılması və ya bunlardan yan keçilməsi üçün hər hansı bir robotdan, spayderdən, sayt axtarış/aşkarlama tətbiqlərindən, yaxud digər mexaniki və ya avtomatik qurğulardan istifadə etməyəcəyinə; (10) Platforma ilə inteqrasiya edilmiş heç bir proqram təminatı və ya digər funksional imkanlar tərtib etməyəcəyinə, yaymayacağına və ya satmayacağına; yaxud (11) Platformaya çıxışla və ya onun istifadəsilə bağlı qüvvədə olan bütün qanunvericilik aktlarının müddəalarını pozmayacağına və üçüncü tərəflərin də burada sadalanan şərtləri pozmasına yol verməyəcəyinə dair öz razılığını bildirir.  

4. Ödəniş xidmətinə və xidmət haqqına dair şərtlər

1. Təchizatçı İstifadəçiyə bu Müqavilənin  şərtlərinə uyğun olaraq və Platformada qeyd olunan təlimatlara uyğun olaraq xidmət göstərir.

2. İstifadəçi, ödəniş sərəncamının verilməsi və icra edilməsi üçün Platformada qeyd olunan addımlara uyğun zəruri məlumatları düzgün şəkildə daxil etməlidir.

3. Ödəniş xidməti və Əlavə xidmətlərlə bağlı Xidmət haqqı ödəniş əlati ilə əməliyyat aparılan anda dərhal ödəniş məbləğindən akseptsiz qaydada tutularaq Təchizatçının hesabına köçürülür.

4. Ekvayrinq xidməti üzrə xidmət haqları bu Müqaviləyə edilmiş əlavə ilə müəyyən olunur. Digər xidmətlər üzrə haqlar Tərəflər arasında ayrıca razılaşdırılır.

5. Təchizatçı bu müqaviləyə və qanunvericiliyə uyğun olaraq birtərəfli qaydada mövcud tariflərdə və əməliyyatların aparılması qaydalarında dəyişiklik etmək və yeni tariflər (komissiyalar) müəyyən edir. Tariflər Təchizatçının Saytında yerləşdirilir. İstifadəçi, mütəmadi olaraq Sayta daxil olub yeniliklərlə tanış olmağa məsuldur.

6. Platforma üzərindən Ekvayrinq xidməti Təchizatçı ilə razılaşdırılmış qaydada göstərilir. Bunlara API, QR ödəniş, link əsaslı ödənişlər və s. aid edilə bilər.

7. İstifadəçi öz Virtual hesabı üzərində müstəqil sərəncam verir və bu hüququ yalnız qanunvericilik və/və ya bu Müqavilə ilə müəyyən edilmiş əsaslarla və hallarda məhdudlaşdırıla bilər. 

8. Ödəyici Ekvayrinq xidməti üzrə ödəniş sərəncamı verdikdə, ödəniş əməliyyatı avtorizə edilmiş hesab olunur.

9. Ödəyici Ekvayrinq xidməti üzrə ödəniş sərəncamından ödəniş sisteminə dair qaydalar ilə müəyyən edilən  anadək istənilən vaxt imtina edə bilər. İcra edilmiş ödəniş ərəncamı üzrə pul vəsaitinin geri qaytarılması ödəniş alətinin tətbiqi prinsipləri nəzərə alınmaqla İstifadəçi ilə Təchizatçı arasında razılaşdırıla bilər.

10. Təchizatçı ödəniş sərəncamı qüsurlu olmadıqda avtorizə edilmiş ödəniş sərəncamını icraya qəbul edir.

11. Avtorizə edilmiş ödəniş sərəncamı real vaxt rejimində icraya qəbul edilmiş hesab olunur.

12. Ödəniş əməliyyatı üzrə ödənilmiş vəsaitlər İstifadəçinin Ödəniş hesabına mədaxil edildiyi andan ödəniş xidməti icra olunmuş hesab edilir.

13. Təchizatçı ödəniş sərəncamının icrasından imtina etdikdə, bunun səbəbləri və mövcud çatışmazlıqlar haqqında İstifadəçisini ən geci növbəti iş günü məlumatlandırır, bu şərtlə ki, qanunla belə məlumatların verilməsi qadağan edilməsin. 

14. Təchizatçı ekvayrinq xidməti çərçivəsində ödəniş sərəncamının icrası zamanı bu sərəncam üzrə məlumatların tam şəkildə İstifadəçiyə ötürülməsini təmin edir.

15. Təchizatçı ödəniş əməliyyatını icra etməzdən əvvəl ödəniş xidməti üzrə aşağıdakı məlumatları İstifadəçiyə  təqdim edir və ya belə məlumatların əlçatanlığını təmin edir:

1. ödəniş sərəncamının icra edilməsi üçün tələb olunan məlumatlar və ya unikal eyniləşdirici;

2. ödəniş sərəncamının icra müddəti;

3. ödəniş xidmətinin göstərilməsi üçün tutulan xidmət haqqının məbləği;

4. nəzarət orqanının əlaqə məlumatları.

16. Təchizatçı ödəniş sərəncamını icra etdikdən sonra dərhal azı aşağıdakı məlumatları davamlı daşıyıcıda ödəniş xidməti istifadəçisinə təqdim edir:

1. ödəniş xidməti təchizatçısının adı və VÖEN-i;

2. ödəniş əməliyyatını eyniləşdirməyə imkan verən istinad nömrəsi;

3. ödəniş əməliyyatının icra olunduğu valyutada məbləği;

4. ödəniş əməliyyatının icrası üzrə ödənilən xidmət haqqının məbləği;

5. ödəniş sərəncamının icra olunduğu tarix.

17. Təchizatçı İstifadəçinin tələbi ilə ona təqvim ayı müddətində azı bir dəfə ödəniş hesabı üzrə aparılan ödəniş əməliyyatları barədə Müqavilənin nəzərdə tutulan məlumatları davamlı daşıyıcıda ödənişsiz olaraq təqdim edir. 

18. İstifadəçi Təchizatçı tərəfindən həyata keçirilən ödəniş əməliyyatının icrası haqqında Müqavilənin 4.16. bəndində nəzərdə tutulmuş qaydada məlumatlandırıldığı halda, ödəniş əməliyyatının icrasından sonra 6 (altı) ay müddətindən gec olmayaraq hər hansı avtorizə edilməmiş və ya səhv icra olunmuş ödəniş əməliyyatlarını müəyyən etdikdə bu barədə Təchizatçını dərhal məlumatlandırmalıdır.

19. Təchizatçı, avtorizə edilməmiş ödəniş əməliyyatı haqqında İstifadəçidən bu Müqavilənin 4.18. bəndi ilə müəyyən edilmiş halda bildirişi aldıqdan sonra (1) ödəniş əməliyyatının autentifikasiya olunduğunu, (2) düzgün qeydə alındığını, (3) ödəniş əməliyyatı üzrə məbləğin İstifadəçinin müəyyən etdiyi Ödəniş hesabına mədaxil edildiyini və (4) ödəniş əməliyyatının texniki nasazlıq və ya ödəniş xidməti təchizatçısının digər nöqsanı nəticəsində təsirə məruz qalmadığına dair sübutları 5 (beş) iş günündən gec olmayaraq (ödəniş alətləri ilə ölkə xaricində aparılan əməliyyatlarda isə iştirakçısı olduğu ödəniş sisteminə dair qaydalar ilə müəyyən edilmiş müddətdə) İstifadəçiyə təqdim edir. Təchizatçı həmin sübutları təqdim edə bilmədikdə ödəniş əməliyyatının məbləğini ödəyiciyə növbəti iş günündən gec olmayaraq geri ödəyir. Bu halda Ödəniş xidməti təchizatçısı avtorizə edilməmiş ödəniş əməliyyatının məbləğini bu ödəniş əməliyyatının icrası üçün ödəyicidən tutulan bütün xidmət haqları ilə birgə ödəyiciyə geri ödəyir.

20. Xüsusi hesabda olan vəsaitlərə görə heç bir faiz hesablanmır və ödənilmir.

21. İstifadəçinin Təchizatçı qarşısında yaranmış borc və digər öhdəlikləri üzrə məbləğlər, əsassız varlanma, texniki overdraft, ödənişə etiraz (chargeback) nəticəsində yaranan öhdəliklər üzrə ödənilməli olan pul məbləğləri, o cümlədən mövcud tariflər əsasında İstifadəçiyə göstərilmiş xidmət üzrə ödənilməli olan xidmət haqqı akseptsiz qaydada İstifadəçidən tutulur.

22. İstifadəçi, Müqavilənin 4.21. bəndində qeyd olunmuş öhdəliyi yarandığı tarixdən 30 təqvim günü ərzində ödəmədiyi halda, Təchizatçı ödənilməmiş məbləğin 5%-i (beş) həcmində gündəlik cərimə (dəbbə pulu) hesablayaraq İstifadəçidən tələb edə bilər.

5. Ödəniş xidməti üzrə tərəflərin hüquq və vəzifələri

1. Təchizatçının vəzifələri: 

1. İstifadəçinin xeyrinə ödəniş sərəncamlarını icra etmək, 

2. Ekvayrinq xidməti üzrə əməliyyatları real vaxt rejimində İstifadəçinin profilində əks elətdirmək,

3. İstifadəçiyə qanunvericiliyin və bu Müqavilənin şərtlərinə uyğun olaraq xidmət göstərmək,

4. Pul vəsaitlərinin təhlükəsizliyi ilə bağlı qanunvericiliyin tələblərinə riayət etmək,

5. Ödəniş əməliyyatları və balansı haqqında İstifadəçiyə məlumat və Virtual hesabdan çıxarışlar təqdim etmək,

6. Bank sirri və kommersiya sirri hesab olunan məlumatların məxfiliyini təmin etmək,

7. Müqaviləyə edilən əlavə və dəyişikliklər barədə İstifadəçini 11.3. bəndində qeyd olunan müddətdə və qaydada qabaqcadan məlumatlandırmaq,

8. Platformadan istifadə, ödəniş əməliyyatlarının aparılması və digər hallarda baş verə biləcək texniki problemlərin aradan qaldırılması məqsədilə İstifadəçi müraciətlərinin qəbulu üzrə əlaqə vasitələrini (mobil telefon nömrəsi, elektron poçt ünvanı) təmin etmək,

9. Qanunvericilik və Müqavilə ilə nəzərdə tutulan digər vəzifələr.

2. Təchizatçının hüquqları: 

1. Xidmət haqqını, həmçinin Müqavilənin 4.21. bəndi ilə nəzərdə tutulan hallada həmin vəsaitləri İstifadəçidən akseptsiz qaydada tutmaq,

2. İstifadəçidən Ödəniş xidməti və bu Müqavilə üzrə mövcud öhdəliklərinin icrasını tələb etmək,

3. Ödəniş xidmətinin göstərilməsi üçün zəruri olan sənədlərlə yanaşı, qeyri-sağlam xarakterli əməliyyatlardan, o cümlədən iqtisadi mahiyyətinin və şəffaflığın qiymətləndirilməsi, habelə qeyri-qanuni və ya qeyri-sağlam xarakterli əməliyyatların, o cümlədən  ƏL/TMM risklərinin qarşısının alınması məqsədilə qüvvədə olan ƏL/TMM Qanunvericiliyin tələblərinə uyğun İstifadəçidən qanunvericiliyə zidd olmayan əlavə sənədlərin təqdim edilməsini tələb etmək,

4. Pul vəsaitlərinin təhlükəsizliyini təmin etmək üçün qanunvericiliyin tələblərinə uyğun olaraq öz seçdiyi üsul əsasında müvafiq tədbirlər görmək,

5. Təchizatçısnın ekvayrinq üzrə ödəniş xidməti çərçivəsində təqdim etdiyi məhsul və xidmətləri, habelə digər  məlumatları monitorinq etmək, uyğun gəlmədiyi hallarda dəyişiklik tələb etmək,

6. Birtərəfli qaydada mövcud Tariflərdə və aparılan əməliyyatların qaydalarında dəyişiklik etmək,

7. İsfifadəçinin xeyrinə həyata keçiriləcək ödəniş sərəncmalarının icrasını qanunvercilik tələbləri nəzərə almaqla məhdudlaşdırmaq, habelə bununla bağlı zəruri məlumat və sənədləri İstifadəçidən tələb etmək,

8. Ekvayrinq üzrə döniş xidməti üzrə rikslərin idarəedilməsi məqsədilə limit və məhdudiyyətlər (ödəniş alətləri, ödəniş əməliyyatlarının məbləği və sayı və s.) tətbiq etmək,

9. Aşağıdakı hallardan biri və ya bir neçəsi baş verdikdə İstifadəçidən və digər bütün əsaslarla ona çatası vəsaitlərdən müvafiq vəsaiti akseptsiz qaydada silmək: 

1. Üçüncü şəxslər və ya Təchizatçı tərəfindən yalnışlıqla mədaxil edilmiş pul vəsaitlərini (əsassız varlanma),

2. Hər hansı səbəbdən yaranmış borc (texniki overdraft);

3. Chargeback əməliyyatları üzrə xərcləri və xidmət haqları.

10. İstifadəçi profilinin yaradılması üçün əvvəlcədən və ya Profil yaradıldıqdan sonra istənilən vaxt İstifadəçini autentifikasiya və ya gücləndirilmiş autentifikasiyası etmək. Autentifikasiya tələblərinin, hərəkətlərinin və metodologiyasının seçilməsi müvafiq qanunvericiliyin tələbləri nəzərə alınmaqla müstəsna olaraq Təchizatçının səlahiyyətindədir, 

11. Təchizatçı, əməliyyatların icrası zamanı qanunvericiliklə nəzərdə tutulmuş hallarda müvafiq nəzarət orqanlarına məlumat təqdim edə və ya hesabat verə bilər,

12. İstifadəçini məsafədən autentifikasiya etmək üçün ona fərdiləşdirilmiş təhlükəsizlik məlumatları təqdim etmək,

13. Ödəniş xidməti istifadəçilərində daxil olan şikayətlərin araşdırılması zamanı Təchizatçıdan izahat, əlavə sənəd və məlumatlar tələb etmək, araşdırma nəticəsində Təchizatçıya bu Müqavilə üzrə göstərilən xidməti müvəqqəti və ya daimi dayandırmaq,

14. Müqavilənin digər bəndlərində və/və ya qanunvericilikdə nəzərdə tutulan digər hüquqlar. 

3. İstifadəçinin vəzifələri: 

1. Ödəniş xidmətlərindən bu Müqavilədə və Platformada qeyd olunan şərtlərə uyğun istifadə etmək,

2. İstifadəçi profilinin yaradılması və Platformadan istifadə üçün zəruri olan sənədləri, eləcə də, qeyri-sağlam xarakterli əməliyyatlardan, iqtisadi mahiyyətinin və şəffaflığının qiymətləndirilməsi, qeyri-qanuni və ya qeyri-sağlam xarakterli əməliyyatların o cümlədən ƏL/TMM risklərinin qarşısını alınması məqsədilə Təchizatçı tərəfindən tələb olunan sənəd və məlumatları sonuncuya təqdim etmək,

3. Virtual hesabının hər hansı bir səbəbdən mənfi balansa enməsi (texniki overdraft), komissiya, xidmət haqqı və ya cərimə (dəbbə pulu) hesablanması nəticəsində yaranmış öhdəliyi Təchizatçının xeyrinə icra etmək,

4. Təchizatçı və ya digər üçüncü şəxslər tərəfindən hesabına səhvən köçürülmüş məbləğdən istifadə etməmək və Təchizatçını bu barədə dərhal məlumatlandırmaq, hesaba səhv daxil edilmiş pul vəsaitlərini növbəti əməliyyat günündən gec olmayaraq geri qaytarmaq, habelə akseptsiz qaydada silinməsinə etiraz etməmək,

5. Ödəniş əməliyyatının icrası üzrə Təchizatçıya qanunvericiliyin tələbləri gözlənilməklə ödəniş sərəncamı vermək;

6. Ekvayrinq xidmətindən istifadəni üçüncü tərəflərə təqdim etdiyi halda (rəqəmsal platforma (market place)) bu şəxlsərin eyniləşmə və verifikasiyasını qanunvericiliyin tələbləri gözlənilməklə həyata keçirmək,

7. Platformada qeydiyyatdan keçərkən təqdim etdiyi məlumatlarda hər hansı dəyişiklik olduqda bu barədə Təchizatçını dərhal məlumatlandırmaq və Təchizatçıya müvafiq dəyişikliyi sübut edən sənədləri təqdim etmək,

8. Təchizatçıya düzgün və təhrif olunmamış məlumat və sənədləri təqdim etmək,

9. Vergi qanunvericiliyi ilə bağlı qanunvericiliyin tələblərinə riayət etmək,

10. İşçilərini Platforma və ondan istifadə qaydaları, ödəniş əməliyyatının aparılması qaydaları ilə tanış etmək;

11. Təchizatçının ictimai etibarı və ya imicinin zədələnməsi ilə nəticələnən reputasiyasına yönəlik hər-hansı hərəkət etməmək,

12. Platforma və Profilə girişlə bağlı olan təhlükəsizlik məlumatlarını (elektron imza, PIN kod, şifrə, OTP kod və s.) heç bir halda üçüncü şəxslərə verməmək və paylaşmamaq, həmin məlumatların təhlükəsizliyini təmin etmək,

13. Kommersiya sirri hesab olunan məlumatların məxfiliyini təmin etmək,

14. Bu Müqavilənin digər bəndlərində nəzərdə tutulan və qanunvericilikdən irəli gələn digər vəzifələri icra etmək. 

4. İstifadəçinin hüquqları: 

1. Qanunvericilik və Müqavilə ilə müəyyən edilmiş qaydada Ödəniş xidmətindən yararlanmaq,

2. Ödəniş xidməti üzrə Təchizatçıya sərəncam vermək, ondan məlumat əldə etmək,

3. Xidmət haqları, tarif dəyişikliyi ilə bağlı qabaqcadan və Müqavilə ilə nəzərdə tutulan qaydada Təchizatçıdan məlumat almaq,

4. Müqavilə ilə müəyyən edilmiş qaydada xidmətlərin göstərilməsinin dayandırmaq.

6.   Əlavə xidmətlərə dair şərtlər 

1. Təchizatçı, İstifadəçiyə qanunvericilikdə nəzərdə tutulan qaydada və şərtlərlə əlavə xidmətlər təqdim edə bilər. Əlavə xidmətlərə dair Müqavilənin ümumi şərtləri şamil olunmadığı təqdirdə, həmin xidmətlə bağlı Tərəflər arasında bu Müqaviləyə əlavə tərtib olunaraq imzalanır. 

2. Təchizatçı, kredit xidmətini təqdim etməzdən əvvəl İstifadəçinin ödəmə qabiliyyətini və risk profilini qiymətləndirmək hüququna malikdir. Bu məqsədlə əlavə məlumat və sənədlər tələb oluna bilər. 

7. İstifadəçi təsdiqi  

1. İstifadəçi bu Müqaviləni təsdiq etməklə ödəniş xidmətlərinin və bu Müqavilədən irəli gələn digər xidmətlərin icrası üçün  ona məxsus fərdi məlumatların (şəxsiyyət vəsiqəsi üzrə məlumatlar, iş yeri, əmək haqqı üzrə məlumatlar və s.) müxtəlif məlumat bazalarından (Elektron Hökumət Portalı, SİMA və digərləri) və digər mənbələrdən toplanılmasına, saxlanmasına, işlənilməsinə, verilməsinə və transsərhəd ötürülməsinə razılıq verir. 

2. İstifadəçi bu Müqaviləni təsdiq etməklə Təchizatçı tərəfindən müxtəlif informasiya ehtiyatlarından əldə edilən, habelə İstifadəçi tərəfindən Təchizatçıya təqdim edilən bütün məlumatların anonimləşdirilməklə əlavə razılıq alınmadan Təchizatçı tərəfindən analitika, monitorinq, marketinq, ödəniş xidmətləri, İstifadəçiyə göstərilən əlavə xidmətlər və qanunvericilikdə qadağan olunmamış digər məqsədlər üçün təhlil və emal edilməsinə, işlənilməsinə, ümumiləşdirilməsinə, özünün törəmə müəssisələrinə və digər partnyorlarına (müqavilə bağladığı şəxslərə) təqdim edilməsinə, transsərhəd qaydada ötürülməsinə və s. qanunvericiliklə qadağan edilməmiş digər tədbirlərin görülməsinə dair razılıq verir.   

3. Bu Müqaviləni təsdiq etməklə, İstifadəçi qəbul edir və təsdiq edir  ki, tətbiqdə qeydiyyatdan keçdiyi (həmin nömrə sonradan  dəyişdikdə yeni nömrə) mobil nömrə onun öz istifadəsi və sahibliyindədir və bu nömrəyə digər şəxslərin hər-hansı formada çıxış əldə etməsi ilə bağlı bütün məsuliyyəti özü daşıyır. 

4. İstifadəçi bu Müqaviləni imzalamaqla təsdiq edir ki, İstifadəçinin bu Müqavilənin 7.1., 7.2. bəndlərində qeyd olunmuş razılığı bu Müqavilə xitam olunan tarixədək qüvvədədir və o, razılığın öz yazılı müraciəti əsasında vaxtından əvvəl ləğv edilə bilməsi barədə Təchizatçı tərəfindən məlumatlandırılmışdır. 

5. Bu Müqaviləni təsdiq etməklə təsdiq edir ki, Ödəniş xidmətlərindən istifadə üçün Platformada və/və ya Saytda qeyd olunan şərt və tariflərlə tanış olub və onları qəbul edir.

8.    ƏL/TMM, fırıldaqçılıq və vergi öhdəlikləri 

1. Tərəflər bəyan edirlər ki, onlar cinayət yolu ilə əldə edilmiş əmlakın leqallaşdırılmasına, terrorçuluğun maliyyələşdirilməsinə və vergidən yayınma ilə bağlı qanunvericiliyin tələblərinə riayət edir, bu cür fəaliyyətlərə yol vermir və Platformadan bu məqsədlə istifadə etmirlər.

2. İstifadəçi, tətbiq üzərindən apardığı bütün ödəniş əməliyyatlarında istifadə etdiyi pul vəsaitlərinin mənbəyinin qanuni olmasına görə tam məsuliyyət daşıyır. Mənbəyinə dair əsaslı şübhələr olan pul vəsaitlərinin İstifadəçinin hesabına qəbulu halında, o cümlədən, ödəniş əməliyyatının özü cinayət, terrorçuluğun maliyyələşdirilməsi, fırıldaqçılıq və ya digər cinayət əməlləri nəticəsində əldə olunmuş əmlakın leqallaşdırılmasına cəhd məqsədilə aparıldıqda, İstifadəçi bunu bildikdə və ya bilməli olduqda, və ya İstifadəçinin aparılan ödəniş əməliyyatının məqsədinə dair əsaslı şübhələri olduqda dərhal Təchizatçıni məlumatlandırır, müvafiq izahat və təstiqedici sənədləri təqdim edir və Təchizatçı tərəfindən qüvvədə olan qanunvericiliyə uyğun tədbirlərin görülməsinə mane olmamağı öhdəsinə götürür.

3. İstifadəçi heç bir halda Platformadan cinayət yolu ilə əldə olunmuş əmlakın leqallaşdırılması və terrorçuluğun maliyyəşdirilməsi, o cümlədən fırıldaqçılıq və ya bu cür əməllərə cəhddə istifadə etməməlidir. İstifadəçi bu cür hallar barədə məlumt əldə etdikdə və ya əsaslı şübhələri yarandıqda, dərhal Təchizatçını məlumatlandırmağı və müvafiq izahat verməyi öhdəliyinə götürür.

4. İstifadəçi bəyan edir ki, o, Platformadan istifadə ilə əlaqədar və ya Platforma üzərindən Azərbaycan Respublikasında və ya digər ölkələrdə vergi və digər məcburi ödənişləri ödəməkdən yayınmayıb və bundan sonra da yayınmayacaq.

5. İstifadəçi tətbiq üzərindən apardığı əməliyyatlar ilə əlaqədar qanunvericiliklə ödəməli olduğu bütün vergilərin ödənilməsi, vergidən yayınma və digər məcburi ödənişlərin həyata keçirilməməsi üçün tam məsuliyyət daşıyır. Təchizatçı yalnız ödəniş xidmətləri təqdim edən ödəniş xidməti təchizatçısıdır və İstifadəçinin vergi və digər məcburi ödənişləri etməsi, o cümlədən, məcburi bəyannamələri və hesabatların tərtibi və təqdim edilməsi ilə bağlı hər hansı məsuliyyət daşımır. 

6. Platforma ƏL/TMM qanunvericiliyin tələblərinə uyğun olaraq və/və ya daxili nəzarət tədbirləri çərçivəsində İstifadəçinin həyata keçirdiyi əməliyyatları monitorinq edə bilər. Əgər hər hansı əməliyyatda fırıldaqçılıq, ƏL/TMM və ya digər risk əlamətləri aşkar edilərsə, Təchizatçı bu əməliyyatı dərhal və birtərəfli qaydada müvəqqəti dayandırmaq və əlavə araşdırma aparmaq hüququna malikdir.

7. İstifadəçi, əməliyyatlarının şəffaflığını təmin etmək məqsədilə, Təchizatçının tələbi əsasında öz təsisçisi, idarəedici orqanı, səlahiyyətli şəxsləri və benefisiar mülkiyyətçisi barədə tam, dəqiq və təsdiqlənmiş məlumat və sənədləri ona təqdim etməlidir.

8. İstifadəçi, Təchizatçı tərəfindən aparılan araşdırma zamanı tələb edilən bütün sənədləri, məlumatları vaxtında təqdim etməlidir. İstifadəçi tərəfindən məlumatların təqdim edilməməsi, natamam, yalnış və ya səhv məlumatların təqdim edilməsi İstifadəçi əməliyyatlarının dayandırılması və Virtual hesabın və İstifadəçi profilinin bağlanmasına, habelə işgüzar münasibətlərə xitam verilməsinə səbəb ola bilər.

9. İstifadəçinin Platformada uydurma adlardan, anonim və ya saxta məlumatlardan istifadə etməsi, saxta profil yaratması və ya faktiki sahiblik və nəzarət strukturunu gizlətməsi qadağandır. Bu hallar aşkar edildikdə, Təchizatçı İstifadəçi ilə işgüzar münasibətlərə birtərəfli qaydada xitam vermək hüququna malikdir.

10. Platformadan fırıldaqçılıq məqsədilə istifadə edilməsi və ya Platformanın fırıldaqçılıq sxemlərinin tərkib hissəsi kimi istifadəsi aşkar edildikdə, Təchizatçı əməliyyatları dayandırmaq, Virtual hesabı və İstifadəçi profilini bağlamaq hüququna malikdir.

11. İstifadəçi bəyan edir ki, özü, onun benefisiar mülkiyyətçisi, idarəedici və səlahiyyətli şəxsləri beynəlxalq və yerli sanksiya siyahılarına daxil edilmir və Platformadan sanksiyaların pozulması məqsədilə istifadə etmir;

12. İstifadəçi öz hüquqi statusunda, fəaliyyət növündə, benefisiar mülkiyyətçisində, səlahiyyətli şəxslərində və ya təqdim etdiyi məlumatlarda dəyişiklik olduqda bu barədə dərhal Təchizatçını məlumatlandırmalıdır.

13. Risklərin idarə edilməsi məqsədilə Təchizatçı əməliyyatlara limitlər tətbiq edə, xidmətləri müvəqqəti məhdudlaşdıra və ya dayandıra bilər.

14. İstifadəçi Platformadan yalnız özü və Təchizatçı tərəfindən təsdiq edilmiş səlahiyyətli şəxslər vasitəsilə istifadə etməlidir və hesabın üçüncü şəxslərə verilməsinə/ötürülməsinə yol verməməlidir.

15. Platformanın texniki, hüquqi və ya nəzarət mexanizmlərindən yan keçməyə yönəlmiş hərəkətlər, süni strukturlaşdırma və ya əməliyyatların gizlədilməsi qadağandır.

16. İstifadəçinin fəaliyyəti, əməliyyatları və ya risk profili dəyişdikdə Təchizatçı əlavə yoxlamalar, məhdudiyyətlər və ya nəzarət tədbirləri tətbiq edə bilər.

17. Platformanın yalnız vəsaitlərin ötürülməsi məqsədilə, real iqtisadi fəaliyyət və ya hüquqi əsas olmadan istifadə edilməsi qadağandır.

9. Tərəflərin məsuliyyəti 

1. Təchizatçı İstifadəçiyə ödəniş xidməti göstərərkən müxbir banklarının və ya digər üçüncü tərəflərin həmin ödənişin icrasını gecikdirməsi və ya digər səbəblərdən məbləğlərin dondurulması, köçürülməməsi və ya natamam köçürülməsi üçün İstifadəçi qarşısında heç bir məsuliyyət daşımır.

2. İstifadəçinin özünə, rezidenti olduğu və ya hər hansı əlaqəsi olduğu ölkəyə Azərbaycan Respublikası, hər hansı digər dövlət və ya hər hansı Beynəlxalq Təşkilat tərəfindən sanksiya qoyulduqda, Təchizatçının İstifadəçinin hesabındakı vəsaiti dondurması, əməliyyatların aparılmasına məhdudiyyət tətbiq etməsi və ya digər zəruri tədbirlər görməsi nəticəsində İstifadəçiyə dəymiş hər hansı maddi, mənəvi zərər görə Təchizatçı məsuliyyət daşımır. 

3. İstifadəçi Platformada qeydiyyat zamanı daxil etdiyi məlumatların tam və düzgün olduğunu, bütün məlumatların onun özünə məxsus olduğunu təsdiq edir. Hər hansı məlumatın səhv daxil edilməsinə və ya ona məxsus olmayan məlumatın daxil edilməsinə və bununla bağlı yarana biləcək bütün risklərə görə məsuliyyət İstifadəçinin üzərinə düşür.

4. Mobil nömrənin və/və ya cihazının itirilməsi, o cümlədən oğurlanması və digər vasitələrlə İstifadəçinin sahibliyindən çıxması, üçüncü şəxslər tərəfindən qanunsuz istifadə edilməsi nəticəsində ona dəymiş zərərə görə Təchizatçı məsuliyyət daşımır. 

5. Platforma vasitəsilə və ya digər qaydada əməliyyatların aparılması zamanı İstifadəçi tərəfindən rekvizitlərin, məbləğlərin və ya digər məlumatın səhv daxil edilməsinə və bunun nəticəsində ona dəymiş zərərə görə Təchizatçı məsuliyyət daşımır.

6. Platforma vasitəsilə əməliyyatların aparılması və sənədlərin imzalanması zamanı yarana biləcək bütün risklərə görə məsuliyyət İstifadəçinin üzərinə düşür.

7. İstifadəçinin ödəniş hesabına Təchizatçıdan asılı olmayan hallarda səlahiyyətli və ya səlahiyyətsiz şəxslərin girişi nəticəsində İstifadəçiyə dəyən ziyana görə Təchizatçı məsuliyyət daşımır.

8. İstifadəçi qeydiyyat məlumatlarında və əvvəllər Təchizatçıya təqdim edilmiş istənilən məlumatlarda və/və ya sənədlərdə baş verən dəyişikliklər barədə belə dəyişiklik baş verdiyi tarixdən 1 (bir) iş günü ərzində Təchizatçıya yazılı məlumat verməlidir. İstifadəçi tərəfindən məlumatların vaxtında verilməməsi nəticəsində yarana biləcək hər hansı mübahisəyə görə Təchizatçı məsuliyyət daşımır və İstifadəçinin ünvanına, mobil telefon nömrəsinə və digər əlaqə vasitələrinə göndərilmiş məlumatlar bütün hallarda İstifadəçiyə göndərilmiş və ona rəsmi qaydada çatdırılmış hesab olunur.

9. İstifadəçinin təqdim etdiyi əlaqə vasitələri (mobil nömrə, elektron poçt ünvanı və s.) düzgün qeyd edilməmişdirsə və ya dəyişikliklər barədə vaxtındaTəchizatçıya yazılı məlumat verilməmişdirsə, bu zaman Təchizatçı, göstərilən xidmətlərlə və ya ondakı dəyişikliklərlə bağlı məlumatın vaxtında İstifadəçiyə çatdırılmamasına görə heç bir məsuliyyət daşımır.

10. İstifadəçi fərdiləşdirilmiş təhlükəsizlik məlumatları və digər həssas ödəniş məlumatlarının qorunması üçün məsuliyyət daşıyır. 

11. Tərəflər Müqavilə üzrə üzərilərinə götürdükləri öhdəliklərin icra olunmaması və ya natamam icra olunması nəticəsində digər Tərəfə dəymiş, sübut olunmuş real zərərə görə məsuliyyət daşıyırlar.

10. Bildirişlər

1. Tərəflər qəbul edir və təsdiq edirsiniz ki, hazırkı Müqavilə (ona gələcəkdə edilən bütün əlavə və dəyişiklikləri ilə birlikdə) çərçivəsində Təchizatçı tərəfindən qeyd olunanlardan hər hansı birinin, və ya bir neçəsinin edilməsi İstifadəçiyə verilmiş yazılı xəbərdarlıq və/və ya bildiriş hesab olunur: Saytda yerləşdirilmiş məlumat, Platforma üzərindən göndərilmiş bildiriş, mobil nömrəyə SMS göndərilməsi, elektron poçt ünvanı (e-mail) və ya poçtla göndərilən məktub. 

11. Müqavilənin qüvvəyə minməsi, ona əlavə və dəyişikliklər edilməsi və ləğvi

1. Müqavilə, Tərəflərin onu öz imza və möhürləri ilə təsdiq etdiyi tarixdən qüvvəyə minir. Müqavilənin imzalanması həm şəxsən, həm də Elektrom imza ilə təsdiqlənməklə imzalana bilər.

2. Müqavilə qeyri-müəyyən müddətə bağlanılır.

3. Təchizatçı, Müqavilə şərtlərində hər hansı dəyişiklik (daha əlverişli faiz dəyişiklikləri istisna olmaqla) haqqında məlumatı həmin dəyişilik tətbiq ediləcəyi tarixdən azı 30 (otuz) gün əvvəl ödəniş xidməti istifadəçisinə bildirir. Bu müddətdə İstifadəçi həmin dəyişikliklərlə bağlı öz etirazını bildirmədikdə, bu dəyişikliklər ödəniş xidməti istifadəçisi tərəfindən qəbul olunmuş hesab edilir.

4. İstifadəçi Müqavilə ilə müəyyən olunan əlavə və/və ya dəyişikliklərlə razı olmadıqda, xidmətin göstərilməsiylə bağlı olaraq Təchizatçı qarşısında mövcud öhdəliklərini (olduğu təqdirdə) icra etməklə müqaviləyə xitam verə bilər.

5. Müqavilənin əlavə və/və ya dəyişiklikləri və onun bütün redaksiyaları Təchizatçının Saytında yerləşdirilir və İstifadəçi Müqaviləyə əlavə və/və ya dəyişikliklər ilə tanış olmağa məsuldur. İstifadəçi, istənilən zaman Müqavilənin bütün mövcud və qüvvədə olmuş əvvəlki versiyaları ilə Saytda tanış ola bilər.

6. Hər bir Tərəf digər Tərəfə 30 (otuz) gün qabaqcadan yazılı bildiriş vermək və bir-birləri qarşısında icra olunmamış bütün öhdəliklərini icra etdikdən sonra Müqaviləni ləğv edə bilər.

12. Müqavilənin vaxtından əvvəl xitamı halları

1. Aşağıdakı hallarda Təchizatçı İstifadəçiyə bildiriş göndərməklə Müqaviləyə birtərəfli qaydada dərhal xitam verə bilər: 

1. Profildən, Ödəniş xidmətindən və əlavə xidmətlərdən qeyri-qanuni məqsədlər, habelə bu Müqavilənin şərtlərinə zidd olaraq istifadə edildikdə; 

2. Son 1 (bir) il ərzində Ödəniş  xidməti çərçivəsində hər hansı bir ödəniş əməliyyatı aparılmadıqda; 

3. İstifadəçinin eyniləşdirilməsi və verifikasiyası ilə bağlı tələblər yerinə yetirilə bilinmədiyi, İstifadəçi ilə bağlı əvvəllər təqdim edilmiş eyniləşdirmə məlumatlarının doğru olmadığına dair şübhələr olduğu və/və ya İstifadəçinin fəaliyyətinin mahiyyəti və məqsədi barədə məlumatlar əldə etmək mümkün olmadığı hallarda; 

4. İstifadəçinin təqdim etdiyi məlumatlarda qeyri-dürüst, təhrif olunmuş və ya ziddiyyətli məlumatlar aşkarlandıqda;

5. Qeydiyyatdan keçən zaman təqdim olunan məlumatların həqiqi sahibi tərəfindən daxil edilmədiyi, saxtalaşdırıldığı müəyyən olunduqda və ya təqdim olunmuş məlumatların tam və ya düzgün olmadığı aşkar olunduqda;

6. Ödəniş xidmətinin göstərilməsi, habelə texniki inteqrasiya əlaqələrinin qurulması zamanı bu xidmətdən əlavə şəxslərin səlahiyyətsiz formada istifadə etməsi və kənar texniki inteqrasiya əlaqələrinin qurulması müəyyən edildikdə.

7. Müqavilənin əhəmiyyətli dərəcədə pozulması hesab olunan hər hansı bir müddəasına riayət edilmədiyi təqdirdə; 

8. Müqaviləyə əlavə və dəyişikliklərin və ya Platformadakı təkmilləşdirmələrin İstifadəçi tərəfindən qəbul edilməməsi halında;

9. ƏL/TMM tələblərinin pozulduğu  və/və ya Fırıldaqçılıq halları, o cümlədən fırıldaqçılığa cəhd əlamətləri aşkar edildikdə;

10. Müştəri uyğunluğu tədbirlərinin və fırıldaqçılıq risklərinin idarə edilməsi üzrə nəzarət tədbirlərinin davamlı tətbiqi mümkün olmadıqda;

11. Bu Müqavilə və/və ya qanunvericiliklə tələb edilən sənədlər və/və ya məlumatlar fırıldaqçılıq, ƏL/TMM və ya digər risklərin qiymətləndirilməsi məqsədilə İstifadəçi tərəfindən təqdim edilmədikdə;

12. İstifadəçinin hesabı üzrə həyata keçirilən əməliyyatların çirkli pulların yuyulması və terrorizmin maliyyələşdirilməsi və/və ya fırıldaqçılıq ilə bağlı risklər yaratdığı, bu risklərin azaldılması üçün Təchizatçı tərəfindən tələb olunan məlumat və sənədlərin təqdim edilmədiyi və/və ya təqdim edilmiş məlumatların kifayət etmədiyi hallarda, eləcə də bu əməliyyatların məqsədi, iqtisadi mahiyyəti və həqiqi benefisiar(lar) barədə dolğun məlumatların əldə edilməsi mümkün olmadıqda;

13. Təchizatçının ictimai etibarı və ya imicinin zədələnməsi ilə nəticələnən reputasiyasına yönəlik hər-hansı hərəkət və ya hərəkətsizlik;

14. İstifadəçinin müflisləşməsi və ya iflas olması halında;

15. İstifadəçinin maliyyə və ya vergi cinayətlərində ittiham olunduğu hallarda;

16. İstifadəçi bəyanatları, Platformada qeydiyyat və ondan istifadə tələblərini pozduqda;

17. Qanunvericiliklə nəzərdə tutulmuş digər hallarda. 

2. İstifadəçi, Müqaviləyə xitam verilənədək istifadə etdiyi ödəniş xidmətlərinə görə xidmət haqlarını ödəməlidir.

3. Müqavilənin vaxtından əvvəl xitamı halında Tərəflər bir-birləri qarşısında öhdəliklərini 5 (beş) iş günü ərzində icra etmiş olmnalıdırlar. 

13.  Məxfilik 

1. Platforma daxilində digər internet saytlara keçid linkləri ola bilər. Təchizatçı bu cür internet saytlarının məzmununa və məxfilik siyasətinə görə məsuliyyət daşımır, belə ki, həmin saytlar Təchizatçı tərəfindən idarə olunmur. Bu səbəbdən, qeyd edilən internet səhifələrinin Məxfilik Siyasətinin İstifadəçi tərəfindən nəzərdən keçirilməsi zəruridir. 

2. Təchizatçı həmçinin, Tətbiqdən istifadəni asanlaşdırmaq, təkmilləşdirmək və ya daha da keyfiyyətli etmək, həmçinin ünvanlı xidmətlərin təqdim olunması və xidmətlərin daha da təkmilləşdirilməsi üçün Tətbiqdən istifadəyə dair (fərdi məlumat hesab olunmayan) statistik, geolokasiya kimi məlumatları da toplaya, emal edə, istifadə edə və ya üçüncü tərəflərə ötürə bilər.

3. Təchizatçı, İstifadəçinin fərdi məlumatlarının məxfiliyini və təhlükəsizliyini təmin etmək məqsədilə qanunvericiliyin və daxili siyasətlərin tələblərinə uyğun texniki və təşkilati tədbirlər həyata keçirir.

4. İstifadəçi qanunvericiliklə nəzərdə tutulmuş hallarda fərdi məlumatlarının əldə olunması, işlənməsi, məhv edilməsi və onların istifadəsinə dair razılığın geri çağırılması hüququna malikdir. Bu hüquqları həyata keçirmək üçün Təchizatçıya Müqavilədə qeyd olunan əlaqə vasitələrindən istifadə edərək müraciət edilə bilər.

5. İstifadəçi bu Müqaviləni təsdiqləməklə Təchizatçının Saytında yerləşdirilmiş Məxfilik Siyasətinin şərtləri ilə tanış olduğunu və onu qəbul etdiyini təsdiq edir. 

14.   Müraciətlərə baxılması və mübahisələrin həlli 

1. Təchizatçı, İstifadəçi tərəfindən şikayətin daxil olduğu tarixdən 7 (yeddi) iş günü müddətində müraciətə baxır və nəticəsi barədə İstifadəçini məlumatlandırır. 

2. Müraciətə baxılması bu müddətdə mümkün olmadığı halda həmin müddətdən gec olmayaraq şikayətə baxılması müddətinin artırılmasının səbəblərini əsaslandırmaqla şikayətə baxılması müddəti barədə İstifadəçisinə məlumat verir. 

3. Təchizatçıya şikayətin verilməsi İstifadəçinin məhkəməyə şikayət vermək hüququnu məhdudlaşdırmır.

4. Bu Müqavilənin icrası ilə əlaqədar tərəflər arasında yaranmış mübahisələr qarşılıqlı razılıqla həll edilir. 

5. Qarşılıqlı razılıqla həll edilməyən mübahisələr Azərbaycan Respublikasının qüvvədə olan qanunvericiliyinə müvafiq olaraq Azərbaycan Respublikasının müvafiq məhkəmələri vasitəsilə həll ediləcəkdir.

6. Bu Müqavilə ilə tənzimlənməyən münasibətlər Azərbaycan Respublikasının Mülki Məcəlləsi və digər normativ-hüquqi aktlar ilə tənzimlənir.

15. Mülkiyyət hüququ  

1. Qeydiyyatdan keçib-keçməməsindən asılı olmayaraq, Təchizatçı, Platformaya dair qanunvericiliklə qorunan bütün maraqları, əqli mülkiyyət, sahiblik hüquqlarını və adları, həmçinin Platformanın bütün nüsxələrini, o cümlədən Platforma ilə bağlı olan, lakin bunlarla məhdudlaşmayan, kompüter kodu, sənəd və sənədləşmə, müəllif hüquqları, patentlər, ticarət nişanları, kommersiya sirri, ticarət adları, digər adlar, simvollar, işarələr, ifadələr, konsepsiyalar, ixtiranın xarakteri, obrazın xarakteri, dialoq, ayarlar, süjet xətti, mövzular, animasiya, audiovizual effektlər, səs effektləri, musiqi işləri və iş metodları və sair kimi əqli mülkiyyət ("Nişanlar") üzərində sahiblik hüququnu özündə saxlayır. Platforma Azərbaycan Respublikasının müəllif hüquqlarına dair qanunvericiliklə, beynəlxalq müqavilələr, konvensiyalar və bütün dünyada tətbiq edilən digər qanunlar ilə qorunur.

2. Bilavasitə Təchizatçı tərəfindən verilmiş yazılı razılıq olmadan (istənilən səbəbdən bu cür razılığın verilməsindən imtina etmək hüququmuz vardır), istənilən nişanı reklamda və ya kommersiya xarakterli istənilən yayımda istifadə etməyə yol verilmir. 

16. Fors-major hallar

1. Fors-major (yəni Tərəflərin müqavilə şərtlərinin icrasını qeyri-mümkün edən daşqın, uçqun, sel, yanğın, yer sürüşməsi, zəlzələ, epidemiya, silahlı iğtişaşlar, dövlət orqanlarının qadağanedici və ya məhdudlaşdırıcı aktları, qanunvericilikdəki dəyişikliklər və s.) halının təsiri nəticəsində tərəflər müqavilə şərtlərinin tam və ya qismən yerinə yetirə bilməzsə, buna görə bir-biri qarşısında heç bir maddi və digər məsuliyyət daşımırlar. Həmin halların mövcud olduğu müddət ərzində müqavilənin icrası mümkün olmadıqda onun icrası həmin müddətə dayandırılır.

2. Fors-major hadisəsinə məruz qalmış Tərəf dərhal, Fors-major hadisəsinin baş verməsindən ən geci 5 (beş) təqvim günü sonra digər Tərəfə yazılı məlumat verməlidir.

3. Əgər Fors-major halı 6 (ay) aydan çox davam edərsə, Tərəflərdən biri digər Tərəfə yazılı məlumat verməklə hazırkı Müqaviləyə vaxtından əvvəl xitam vermək hüququna malikdir.

17. Yekun müddəalar 

1. Bu Müqavilə Tərəflər arasında Müqavilənin predmetinə dair bağlanmış bütöv razılaşmanı ifadə edir və bundan əvvəl istər yazılı, istərsə də şifahi formada ifadə edilmiş istənilən və bütün razılaşmaları, bildirişləri, bəyanatları və öhdəlikləri əvəz edir.

2. Bu Müqavilənin hər hansı bir bəndinin etibarsız hesab edilməsi müqavilənin bütövlükdə etibarsız hesab edilməsinə səbəb olmur.

3. Təchizatçı tərəfindən Müqavilədə əks olunan istənilən hüququn həyata keçirilməməsi və ya müdafiə edilməməsi Təchizatçının həmin hüquqdan imtina etməsi mənasını ifadə etmir.

18. Əlaqə məlumatları  

1. Platformaya və ya hazırkı Müqaviləyə dair hər hansı bir sualınızın yaranacağı, şərhə ehtiyacınız olacağı, yaxud müraciət və şikayətlərin edilməsi üçün Təchizatçı ilə [email protected] və ya [email protected] elektron poçt ünvanı, +99470 2429966 mobil və ya +99412 4886447  şəhər nömrəsi və/və ya AZ1025, Bakı şəhəri, 8 Noyabr pr. 15, Azure Biznes Mərkəzi ünvanı ilə poçt vasitəsilə əlaqə saxlaya bilərsiniz. 

2. Ödəniş xidmətləri və sistemləri üzərində nəzarət funksiyasını Azərbaycan Respublikasının Mərkəzi Bankı həyata keçirir (Qaynar xətt: +99412 966, telefon nömrəsi: +99412 4935058).

19. Tərəflərin hüquqi ünvan, əlaqə vasitələri və rekvizitləri:

Ödəniş xidməti və əlavə xidmətlərin göstərilməsinə dair       nömrəli       tarixli Müqaviləyə

1 nömrəli Əlavə

Bir tərəfdən Azərbaycan Respublikasının qanunvericiliyi, AR Mərkəzi Bankının 24.07.2024-cü il tarixli ÖT-002 nömrəli lisenziyası və öz Nizamnaməsi əsasında fəaliyyət göstərən "Global İnnovations" MMC (bundan sonra “Təchizatçı” və ya “Epoint” adlandırılacaq) və digər tərəfdən Azərbaycan Respublikasının qanunvericiliyi əsasında fəaliyyət göstərən İstifadəçi (bundan sonra “İstifadəçi”), birlikdə Tərəflər adlandırılacaqlar, aşağıdakılar barədə razılığa gələrək Ödəniş xidmətinin göstərilməsinə dair Müqaviləyə (bundan sonra “Müqavilə” adlandırılacaq) bu Əlavəni imzaladılar:

1. Müqavilənin 4.4. bəndinə əsasən, Xidmət haqqı aşağıdakı kimi müəyyən olunur:

2. Bu Əlavə Müqavilənin ayrılmaz hissəsini təşkil edir və hər iki Tərəfin qarşılıqlı razılığı ilə ona əlavə və dəyişikliklər edilə bilər.

3. Bu Əlavədə qeyd olunan Xidmət haqlarına əlavə və dəyişikliklərin edilməsi Müqavilənin 11-ci bəndi ilə tənzimlənir.

Tərəflərin adları, imza və möhürü: